«الصور بشعة واتعمل محضر في قسم عابدين».. «جريمة مطعم عيش وملح وسط البلد» تهز السوشيال ميديا ودعوات لمقاطعته

الموجز

دعا نشطاء مواقع التواصل الاجتماعي لحملة مقاطعة ضد مطعم "عيش وملح" في وسط البلد.

وذلك بعد أن قام أحد العاملين به بقتل قطة، عن طريق إلقائها تحت سيارة نقل بشارع عدلي .

وكتبت أسماء حسن الشاهدة على الواقعة المؤسفة تقول :

انا اسفة عليى الصورة جدا دي اول حاجة بس كان لازم احطها عشان توصف بشاعه اللي حصل من شوية في مطعم المفروض انه محترم اسمه عيش وملح في شارع عدلي وسط البلد 
ببساطة في قطة صغيرة دخلت المطعم وانا كنت قاعده وطلعت قعدت شوية على رجلي ونزلت لفت في المطعم تحت الترابيزات علي امل ان حد يديها لقمة بس
فجاة لاقيت حد من ال stuff شلها بمنتهي العنف وانا لما شكيت في سلوكه طلعت وراه لاقيت القطة تحت العربيات ميتة والعساكر اللي واقفين قدام المعبد  اليهودي في شارع عدلي بيشتموه ويدعوا عليه والصورة موضحة القطة حصلها ايه
وطبعا انا دخلت جري اقتحمت المطبخ وره القذر اللي عمل كدة وقلتله انت عارف انك موتت القطة قالي بمنتهي البجاحة  اه عارف وفيها ايه وده ادي اني ثورت جدا وكنت هكسرلهم المحل لولا ان الناس كلها قامت واعترضت طبعا علي اللي القذر ده عمله وملقناش من ادارة المطعم الا برود وقذارة وعنجهية
اتمني البوست ده يوصل لحد مسؤل عشان نقدر ناخد اجراء ضد المكان ده مع العلم ام كل الشهود موجودين  
مع العلم ان ناس كتير قامتو  سابت المكان والحمد لله مكنتش لواحدي في المعركة دي واتفقنا علي اقل حاجة نقدر نعملها وهي اننا نعمل posts على الفيسبوك عيش & ملح Eish & Malh https://www.facebook.com/eishmalh?mibextid=ZbWKwL

وكشفت أسماء حسن ، عن تحرير محضر في المطعم لقتل القطة عمداً ، وصاحبها مندوبين حقوق الحيوان ، وبحسب ما ذكرته تم ضبط واحضار المتهم وأمرت النيابة بتفريغ كاميرات المطعم .

رد فعل مع العامل

ونشر المطعم بوست على صفحته على فيس بوك، يقدم فيه اعتذاره عن تلك الواقعة، ويؤكد أنه قد أخذ رد فعل مع العامل الذي تسبب في تلك الواقعة.

رغم الاعتذار الذي قدمه المطعم ولكن مستخدمي التواصل الاجتماعي يدعون إلى مقاطعة هذا المطعم، وهم في حالة غضب كبيرة بسبب ذلك الفعل.